Robopa

I te wiki tuarima i tae mai tētahi rōpū karetao, ko Robopa kia whakaako i o rātou pūkenga miharo rawa ki a mātou ngā tamariki o Te Rōpū Aroha ki te Reo. 

I te ata i āwhina mātou ki te whakarite i ngā tēpu, i ngā tūru, i ētahi pouaka maramara karetao.  Kāore i roa i whakatau i ngā manuwhiri, taro kau iho i whakarōpū ngā kaiako i a mātou, ā, i whakaingoatia ngā rōpu, i hanga ā ringa hoki, mutu kau ana i karakia, i puta atu ki waho mō te kai.

I te wā i hoki mai i timata te mahi pārekareka ko te hangahanga i ngā karetao, roa kau ake kua tata mutu ngā karetao, ā, kua tae ki te wā ki te whakamutu i ngā karetao, nā reira i homai ngā kaiwhakahaere i tētahi raumamao ki ia rōpū, i whakakaa ngā karetao, ā, i puta ki waho ki te whakataetae.

I pā mai te hiikaka i te wā i kite mātou te maha o ngā koeko me te ahuatanga o te whakataetae. I a mātou e timata ana, i te kōrero ngā kaiwhakahaere e pā ana ki ngā pūkenga, ā, e whanatu ana mātou. Ki tāku nei rongo he tino miharo ngā whakataetae, ka pa mai te ihiihi ki te mahi i ngā momo mea me te karetao.

I te rā tuarua i whakamutua i ngā karetao, waihoki i whakaritea e ngā kaiwhakahaere i ētahi reihi, i ētahi kēmu hoki, kāore i roa i pā mai te hiamo anō kia whakahaerehia ngā karetao.  Roa kau ake i whakamārama ngā kaiwhakahaere i ngā ture, i ngā whainga o te kēmu.

Ki ōku nei whakaaro kāore he mahi māmā, nā te mea me haere pōturi, me tino whai whakaaro kia tino tutuki i te whainga.

Nā reira i te mutunga iho, ehara taku mahi i te mahi takitahi, engari he mahi takitini!

Nā Isabella Wynyard, Tiaari Gibson, Wetekia Rickard – Year 7/8